Reglanan aki ta publica den Papiamento, e idioma original di documento oficial. / These rules are published in Papiamento, the original language of the official document.
Reglanan riba tereno di Palo Marga:
- No ta permiti ningun hende (cu no ta officials of directiva di ABM) den toren bow di ningun circunstancia. Warning of schorsing por ta na vigor pa esun cu drenta sin autorizacion.
- Velocidad maximo den pit y staging lanes ta 15 km/h. Si wordo para pa core riba un velocidad mas halto lo bo wordo escolta pa bandona Palo Marga inmediatamente y den ningun forma lo ricibi cen di entrada y/of registracion bek.
- No ta permiti warm up runs den pit/staging lane area, ni prome of durante evento. Esaki por wordo permiti cu autorisacion di organisacion solamente na e parti final di pista unicamente prome cu evento start. Si bo wordo para durante un warm up round den un area otro cu esun designa lo resulta den discualificacion automatico di e evento y no lo ricibi cen di entrada ni registracion bek.
- Mester sigui instruccion (nan) di track officials, safety safari, race director, event director y security guards na tur momento. Palabra malo of insulto nan NO lo wordo tolera. Si nos scucha lo por resulta den un warning y hasta mas severo, lo bo wordo pidi pa bandona e tereno di Palo Marga y no lo ricibi cen di entrada ni registracion bek. Esaki por tin consecuencia di minimo 1 aña di schorsing.
- Palo Marga ta reserva su derecho di entrada.
- Consumo di droga of cualkier substancia ilegal dor di participante of crew member, lo resulta den schorsing inmediatamente pa minimo 1 aña.
- Ningun tipo di arma di candela of arma blanco ta permiti riba tereno di Palo Marga. Si bo wordo gara na porta of kualkier otro parti Palo Marga lo resulta den schorsing indefini.
- No ta permiti pa drenta cu ningun tipo di licor of alcohol. Esaki nan lo wordo kita na entrada y un warning lo wordo otorga.
- Golf carts, ATV’s (quadracers), scooters, pocket bikes of kualkier otro vehiculo cu motor NO MAG wordo opera/maneha door di un persona bow di 16 anja den pit y staging lane, Palo Marga premises area.
- Drivers di Jr. Dragster, scooter, y ATV bow di 16 anja mester drenta cu nan vehiculo nan den staging lanes pusha. No ta permiti pa maneha esaki nan den pit area ni den staging lanes.
- Staging lanes ta numera. Bo categoria lo wordo yama pa asina bo drenta staging lanes den e lane asigna. Pone bon atencion na e number.
- Vehiculo nan participando lo mester ta para solamente den nan lane asigna. No ta permiti pa para na banda (riba e tereno pariba di staging lanes) of den un lane cu no ta pa bo categoria. Si bo haci esaki lo bo ricibi 1 warning y e siguiente biaha lo bo wordo discualifica.
- Tech inspection area ta un NO PARKING ZONE. Warning y/of descualificación si viola esaki.
- Persona bou di 12 aña no ta permiti den staging lanes, patras di water box of riba pista. Tampoco nan ta ser permiti dilanti toren. Solamente si e persona ta participando e ta ser permiti di ta den e areanan menciona bou e punto aki.
- Mester tin minimo 16 aña pa por acompaña un vehiculo despues di waterbox.
- Slof, sandalia, of cualkier sapato cu no ta tapa pia abou completo no ta permiti despues di staging lane pa pista y tampoco despues di hefboom na e area di toren.
- Mucha nan bou di 12 aña mester ta acompaña pa un ser adulto den pit area. Si haya un mucha bou di 12 anja ta cana so su of cu otro menor, nan lo wordo hiba serka nan adultonan y esaki nan lo ricibi un warning. Siguiente biaha nan lo wordo pidi pa bandona tereno di Palo Marga y no lo ricibi cen di entrada ni registracion bek.
- Palo Marga NO TA PARA RESPONSABEL BOW DI NINGUN CIRCUMSTANCIA PA DAÑONAN PERSONAL, FISICO OF MATERIAL DURANTE BO (OF DI NINGUN OTRO HENDE) BISHITA NA PALO MARGA.
- No ta permiti huma den staging lanes, patras di burnout area of riba pista. Bebidanan alcoholico ta permiti solamente den area di pit y tribune.
- Comporta bo mes decente na tur momento. Comportacion baho, ofensivo of falta di respet no ta wordo tolera contra ningun tercera persona riba facilidadnan di Palo Marga.
Race Season 2026